تجربة شراء 19 منتج من اي هيرب للعناية الشخصية والصحية

تجربة شراء اي هيرب للعناية الشخصية والصحية

تجربة شراء مميزة من موقع اي هيرب وامازون عبارة عن منتجات منوعة صحية ومكملات غذائية وادوات تمارين رياضية .

10 انابيب من الكولاجين السائل تجديد البشرة بكهة الفراولة والكيوي

ممتاز جدا لازم الاستمرار والنتيجة الملحوظه في ١٢ يوم اشربيه على معدة فاضيه وانتظري ساعة ونصف للمتصاص في الجسم بتطلع بشرتك تجنن كل اللى يشوفك نفسهم يسئلونك قولي لهم انوم بدري افضل طريقه الاستعمال المطول الشهر الاول استعمال كل يوم الشهر الثاني يوم بعد يوم الشهر الثالث يوم ويومين لا الشهر الرابع يوم وثلاث لا الشهر الخامس يوم واربعه لا الشهر السادس مره الى مرتين كحد اقصى طوال السنه في هذه المرحلة يكون جسمك غني بلكولوجين.

مرهم مسكن لالآم العضلات

مريح للعضلات مسكن للالم مرا حبيته وامي حبته واجمل شي انه مصنوع من اعشاب ومواد طبيعيه وهذي ثاني مره اطلبه يجنن صدق.

مجموعة القناع – فرشاة مع اربع قطع

بصراحة جميل للماسكات والقطنة لازم ترطبينها بالماي بعدها تمسحين الماسك من وجهك ورقبتك بدون حوسة الغسيل.. سعرها حلو وانصح فيها

قناع زيت الأرغان للشعر

روعه روعه روعه بنات يخلي الشعر هاجد ويخفف النفشه والاستشوار بعدو يصير الشعر حريري ولامع غير ريحتو الجميله احسها ريحة عطر فخم واتوقع مع الاستمرار حيعطي نتيجه فتاكه باذن الله

شامبو تنظيف مضاد للبقايا، لجميع أنواع الشعر

ثاني مرة اشتريه ، استخدمه مرة فالأسبوع بعد الزيت أو ماسك الشعر ينظف الشعر تمام ومايبقى أثر للزيت ،مايستخدم بشكل يومي عشان ما يجفف الشعر

قناع تبيض الوجه

انا كنت استخدم المقشر من نفس الماركة واخذت علبتين منه لانه ممتاز وفعلا تحسي بنضارة بالبشرة بعد اسبوع ومشدودة وفيها حيوية.

فرشاة الاسنان مع فرشاة اضافية

تنظف السن من كل جهه وحلو ان الراس يتغير بسهوله

70 ضمادة رفع الرطوبة بخطوة واحدة

وصلتني اليوم بأجربها وأشوف ، وجهي فيه جفاف في مناطق استخدمت معه انواع مرطبات كثير وما فادت ، ان شاء الله تفيدني هذي المسحات .. تحديث/ ممتازة ، أهم شيء أول ما تجف على الوجه ينغسل بماء عشان ماتطلع مسام .

منظف ومقشر للبشرة

طريقة الاستخدام
1. بعد التنظيف، تجنبي حول العينين والفم. ضعي ما يكفي من المنظف على قطعة من القطن وحركيها بلطف بشكل دوائر صغيرة على وجهك.
2. ضعي كريمات العناية بالبشرة اليومية بعد 3-5 دقائق.

الاسفنجة المعحزة 6 اشكال

سعر المجموعة كامله ارخص من سعر البيوتي بلندر الواحده من سيفوره و الجوده متطابقه تماما انصح بقوه بشراء هذي المجموعه.

عطر من توني مولي صغير الحجم

مرقة خضراوات نباتية مع ملح بحري مثل مكعبات ماجي

أتوقع نفس طعم الماجي و بديل صحي , كل مايخلص ارجع اطلبه

كريم عضوي للعناية بالجلد المحيط بالأظافر

مره يرطب ويعالج الجلد حول الأظافر، كانت جافه مره عندي وفيها تشققات من الجفاف وعالجها خلال يومين فقط جدًا رهيب

الكينوا الحمراء العضوية

الكينوا العضوية والمزروعة يدوياً والمعتمد كمنتج عضوي من قبل وزارة الزراعة الامريكية وخلية من المواد المعدلة وراثياً.
تعتبر الكينوا مصدر جيد للبروتين والألياف وتعتبر من الحبوب الكاملة تحتوي على 8 الأحماض الأمينية الأساسية وايضا هي مصدر ممتاز لحمض الفوليك والفوسفور.

مرهم طبي للشفاه

كنت استخدم قبل مرطب الشفايف من Qv ولكنه صار يدبق ومايجيب نتيجة بس يدهن الشفايف بدون علاج مع انه كان قبل فعال ، فقررت ادور على بديل وطحت على هذا ! اوف يابنات جميل جميل ، ريحته غريبة ماعرفت احددها لكن ميزته انه يعالج الشفايف فعلا بعد مايروح ، ولا حظت انه وحد لون شفايفي وخلاها ورديه. وصفه/اول ماتحطينه يكون لونه ابيض يميل للشفاف بعدين بعد ماتوزعينه ويبقى 5 دقايق يصير شفاف تقريباً، اول ماتحطينه تحسينه بااااارد عالشفايف وكنه يبنجهابعدين بمدة خلاص يصير مب بارد يعني بس الدقايق الاولى تحسينه بارد بعدها خلاص. عيبه الوحيد انه مب نفس رأس مرطب qv حق الشفايف..شفتوا رأس صمغ الباتكس شلون نحيف وعصار؟ ايوه هو كذا؛ وهذا العيب مقارنة بميزاته عادي جدا واساسا تقدرين توزعينه بإصبعك بعد ماتعصرينه. حجمة نفس حجم مرطب Qv بالضبط.

مشد الخصر حجم متوسط

يخلي البطن تعررررق لمن تلبسينه وتمشين وتقطينه تلقين بطنج مااااي ف أحسه حلو مع دايت ورياضه اما تقعدين وتلبسينه وتاكلين اللي تبينه بدون دايت لا ما ينفع.

صراحه اقولها الي راح تشتريه بدون ماتسوي رياضه ماراح تستفيد انا البسه الصباح واسوي كاريدو على ريق صار لي شهر بدون مبالغه نص بطني راح لكن أعيد وأقول لازم رياضه وتقطعين السكر كله.

حبل القفز باللون أسود

الجميل فيه إنه نحيف وتقدرون تتحكمون في طوله ومعاه ورقه تشرح لكم الطول المناسب لكم وتقصون الزائد ومعاه شنطه صغيره

حبل المقاومة لم يعد متوفر في موقع اي هيرب وتم استبداله بعجلة البطن ولكن ما زال متوفر في امازون على الرابط التالي:

شراء حبل المفاومة من امازون

عجلة البطن مع قطع حماية للركبة

جودتها عالية ، الموجود في السوق نحيفة ( رفيعة ) وخفيفة وبتهتز معك بالتمرين وصعب تسيطر عليها وقيمتها ( 55-65 ريال ) أما هذي عريضة وثقلها ممتاز لتعطي ثبات اثناء التمرين وكذلك تجي معها لبادة ( ربلة ) صغيرة للركب عشان الاحتكاك ، أما اهميتها لتمارين البطن فحالياً تعتبر من الادوات المهمة لبناء عضل البطن وتفصيله وليست للهدم وحرق الدهون .

اشرطة الشد الاربعة

مممممرره مفيدة للي يسوون رياضة بالبيت وفيه كثير فيديوهات باليوتيوب وانستقرام لطرق استخدامها + توجد معها شنطة عشان تحفظها.