قبل شهرين تقريبا طلبت من ايهرب, وقلت انزلها لكم برمضان ان شاءالله بس حزرو ايش! حنزلها اليوم
وبنفس الوقت اقلكم ايش الي حبيتو الى الآن ,
فرشة توزيع من إلف, لان كنت بستخدم البيوتي بليندر واحسها بتمتص الفاونديشن اكثر من انها بتوزع
اما هذي ممتازه معايا الى الان بتوزع كويس وحجمها وملمسها حلوين للبشرة. سعرها 23 ريال.
شراء فرشة التوزيع من اي هيرب
فرشتين دبل , للمكياج العين , انا مو مرة اتمكيج كثير وظل وكذا, بس هذي اخذتها لانها اساسية وبتساعدني كثير خصوصا انها مختصره 4 ادوات في فرشتين , سعرها 20 ريال
شوكلاتة غامقة بملح البحر, كنت ابا اجرب شوكلاتتاهم بدل ليندا, ولقيت على هذي مدح كثير, بس حقيقة مرررة عادية, سعرها 10 ريال
شراء الشوكلاته من اي هيرب
مرطب للقدم من بالمرز , ماركتي المفضلة للعناية بالبشرة, حبيتو جداً ثقيل وريحتو زي الفيكس
شراء المرطب من اي هيرب
ديودرنت طبيعي وخالي من المواد الضارة, همم هذي ممكن 3 مرة اشتري منها, فأخذتلي اثنين للوقت, الي بستخدمو حاليا هوا الي عاليمين , بالورد , ماحبيت الريحة حسيتها مرة رجالية للاسف وكمان بتبقع لون اصفر! مع ان المنتج ماله لون واول مرة بيصير كذا معايا! اما الثاني بدون شي, تكلمت عليهم كثير بمدونتي وايوا مرة انصح فيه, بس خذو السادة بدون شي, سعر المنتج 18 ريال.
شراء الملطف من اي هيرب
زيت عطري للرائحة الجو , بستخدمو لغرفتي , عندي مجموعة من هذي الزيوت وتكلمت برضو عليها هنا
ريحتو برتقال او يوسف افندي زي ماتوقعت, سعرو 30 ريال
وماحسو يستاهل كثير بصراحة, بعض الاحيان بخلط زيت الليمون مع اللافاندر وبيديني ريحة روعة افضل من هذا.
شراء الزيت العطري من اي هيرب
زبدة الكاكاو مع زيت الهوهوبا, جربت زبدة الكاكاو من ناو, كان جدا جدا قاااسيييييي, بس حبيت ريحتو مرة, فقلت هذي ممكن يكون اهون بكثير بماانو مخلوط مع زيت, لكن للاسف مو مرة اهون, يعني اهون شوية
فيعني لازم اسخنو واسيحو قبل لااستخدمو, عموماً انا الكريمات هذي بخلطها مع بعض وبستخدمها .
شراء زبدة الشيا من اي هيرب
حسبتو مرطب شفايف , طلع حجمو التريبل,, مرطب عام للشفايف والبشرة الجافة وعلامات التمدد, تكلمت عنو هنا
نفس زبدة الكاكاو حقهم بس انو على شكل مرطب شفايف
شراء مرطب بزبدة الشيا من اي هيرب
زيت الشيا, عشان مرررة احب ترطيب زبدة الشيا, وماعندي زيوت مرطبة غير جوز الهند, زي ماذكرت مابستخدم المنتجات هذي لحالها فبخلطها مع الكريمات وكذا.
شراء زيت الشيا من اي هيرب
مرطب شفايف, لاني احب اجرب وكمان بزبدة الشيا وماعمري حكتفي من مرطبات الشفايف .
شراء مرطب شفايف بزبدة الشيا من اي هيرب
زبدة الشيا وهل يخفى القمر؟ دايما باخذ زبدة الشيا من التاجرات بالانستقرام, فقلت اجرب ايهرب ممكن عندهم نفسو وارخص وفعللااا هذا بطللل مرة, نفس الترطيب ونفس الريحة, طبعاً معروفه ريحتو انها ماهي حلوة , بس بسرعه تروح حق 5 دقايق,
الملمس معروف الشيا انو ثقيل بس بيسيح مع حرارة اليد, بستخمدو بالجفن والركب والاكواع , اي مكان بحسو انو جاف, هذا منقذي.
شراء زبدة الشيا من اي هيرب
,مرطب لليد , قريبتي قالتلي عليه, لان احتجت لمرطب لليد مرة بأخر فترة, حبيتو الى الان ترطيبو حلو مو واو مره بس ريحتو شويه زي الدوا شوية يعني مو كثير.
شرا ءالمرطب من اي هيرب
وأخيراً, الشي الي من زمان ابا اجرب من كثر مااشوف مدح الناس عليه في ايهرب , زبدة اللوز بالفانيليا,
فهذا الي كان يثقلني اني اخذو حقيقةً , اول ماذقتو حسيتو حلو بس عادي انو مايستاهل كثير , بس بعدها صرت اقول ياربي انا كيف كنت احب البينت بتر
طعمو ماهو حالي مرة فيه قطع زي الكوكيز شوية , او انو بسكون وزبدة لوز, هل ارجع اشتريه مره ثانيه؟ همم مااتوقع حقيقةً اذا سعرو كذا!
شراء زبدة اللوز من اي هيرب
بإختصار لاتفتوتكم منتجات اي هيرب واسعارو
وهذا كود خصم لكم SAVE2017
